Hər iki partiya sədri sabah Baş Polis İdarəsində olacaq

Müsavat Partiyası başqanı İsa Qəmbər Bakı Şəhər Baş Polis İdarəsinə (BŞBPİ) çağırılıb. Bu barədə simsar.az -a Müsavat başqanının müavini Tofiq Yaqublu məlumat verib.

O, İ. Qəmbərin aprelin 2-də İctimai Palatanın keçirdiyi etiraz aksiyanda baş verənlərlə bağlı yaradılmış istintaq qrupunun rəhbəri Fazil Həsənəliyev tərəfindən istintaqa şahid kimi ifadə vermək üçün dəvət olunduğunu bildirib. İ. Qəmbər dəvətdə göstərildiyi vaxt - saat 11.00-da BŞBPİ-də olacaq.

AXCP sədri Əli Kərimliyə də analoji çağırış gəlib. AXCP sədrinin köməkçisi Faiq Əmirov APA-ya açıqlamasında Ə Kərimlinin də istintaqa saat 11.00 üçün çağırıldığını və həmin vaxt BŞBPİ-yə gedəcəyini söyləyib.