2014/15 mövsümündə Azərbaycan Kubokunda iştirak edəcək klubların sayı müəyyənləşib. Simsar.az xəbər verir ki, turnirə 18 komanda qatılacaq.

Bunların 10-u Topaz Premyer Liqasını təmsil edəcək. Qalan 8 klub isə I divizionun iştirakçılarıdı. Aşağı liqanın 8 təmsilçisi isə kuboka qatılmaqdan imtina edib. Belə ki, "Turan Tovuz", "Kəpəz", "Şəmkir", "Şuşa", "Bakılı", "Göyəzən", "Energetik" və "Mil-Muğan" Azərbaycan Kubokuna qatılmaqdan imtina edib.

Beləliklə, 2014/15 mövsümündə Azərbaycan kubokunda bu komandalar iştirak edəcək: "Araz Naxçıvan", AZAL, "Bakı", "İnter", "Neftçi", "Qarabağ", "Qəbələ", "Simurq", "Sumqayıt", "Xəzər Lənkəran" (hamısı Premyer Liqa), "Ağsu", MOİK, "Neftçala", "Lokomotiv", "Qaradağ Lökbatan", "Rəvan", "Şahdağ", "Zirə" (hamısı I divizion).

Qeyd edək ki, I divizionun püşkü oktyabrın 15-də AFFA-nın inzibati binasında atılacaq. Mərasim saat 15.00-da başlayacaq.