Bir müddət əvvəl Bakının bəzi orta ümumtəhsil məktəblərində şagirdlərin aşağı qiymət alması əsas gətirilərək, dərsə buraxılmaması ilə bağlı Simsar.az-a şikayət daxil olmuşdu.

Xatırladaq ki, şikayətçi Aytəkin Məmmədova bildiribmişdi ki, övladları Məmmədov Ruhan və Orxan Bakının 18 saylı orta məktəbinə qəbul edilmirdi. Məktəb əsas gətirirdi ki, adıçəkilən şagirdlər daha əvvəl tədris aldıqları təhsil müəssisəsində 3 qiymət alıblar.

Qeyd edək ki, məktəblilərin biri 9-cu, digəri isə 4-cü sinif şagirdləridir.

Məsələ ilə bağlı Təhsil Nazirliyi və Bakı Şəhər Təhsil İdarəsi məlumatlandırıldıqdan sonra məktəb tərəfindən yaradılan süni maneə aradan qaldırılıb.

Valideyn Aytəkin Məmmədova Simsar.az-a bildirib ki, Bakı Şəhər Təhsil İdarəsinin məsələyə müdaxiləsindən sonra övladlarının məktəbə qəbulunda yaradılan problem həll olunub.

Təhsil İdarəsinin ictimaiyyətlə əlaqələr şöbəsinin rəhbəri Arzu Tairquluyeva Simsar.az-a açıqlmasında bildirib ki, qiymətləri aşağı olan şagirdlərin məktəblərə qəbul olunmaması və buna görə də məktəbə buraxılmaması barədə qayda yoxdur: “Bakı şəhərində gündəliyində 3 qiyməti olan şagirdləri direktor məktəbə götürmürsə valideynlər dərhal Bakı Şəhəri üzrə Təhsil İdarəsinə müraciət etsinlər”.

Aysel Kərimova