“Bu gün Əmək və Əhalinin Sosial Müdafiəsi Nazirliyinin (ƏƏSMN) həyata keçirdiyi bəzi funksiyaları qeyri-hökumət təşkilatları gerçəkləşdirə bilər. Nazirlik isə özünün dövlət qulluqçuları vasitəsilə sosial xidmətlərin monitorinqini aparmalı bir növ sifarişçi rolunda çıxış etməlidir”.

Simsar.az xəbər verir ki, bunu jurnalistlərə açıqlamasında əmək və əhalinin sosial müdafiəsi naziri Səlim Müslümov deyib. O bildirib ki, bu gün Dövlət Sosial təminat Xidmətində 3003 nəfər işçi fəaliyyət götərir. “Lakin, bu işçilərin 1800-dən çoxu sosial xidmət sahəsində çalışanlardır. Onlar dövlət işçisi sayılmırlar. Sadəcə nazirliyin işçisi kimi yerlərdə ayrı-ayrı kimsəsiz şəxslərə, əlillərə, qocalara, aztəminatlı uşaqlı ailələrə, xidmət göstərirlər”.

“Bu doğru praktika deyil. Sosial Xidmətlərin göstərilməsi Qeyri Hökumət Təşkilatlarına verilməlidir. Nazirlik isə bunun üçün sifariş verməlidir. Mərkəzdə olacaq 3-4 nəfərlik sektor vasitəsilə verilən sifarişin yerinə yetirilməsinə nəzarəti həyat keçirməlidir. Hazırda biz qanunvericiliyə və struktura dəyişiklik edilməsi barədə düşünürük”, - S.Müslümov belə deyib.

Aysel Kərimova