“Krımın işğalı ilə bağlı Rusiyaya haqq qazandırmaq dolayısıyla Ermənistana haqq qazandırmaqdır”.

Simsar.az xəbər verir ki, bunu Atlas Araşdırmalar Mərkəzinin rəhbəri Elxan Şahinoğlu Azərbaycan-Rusiya Hökumətlərarası İqtisadi Əməkdaşlıq Komissiyasının Bakıda keçirilən iclasında çıxış edən Baş nazirin müavini Yaqub Eyyubovun "Heç kim Rusiyanı sındıra bilməz, o, heç vaxt diz çökməyəcək, əksinə, sanksiyalar onu daha da möhkəmləndirəcək" çıxışına münasibət bildirərkən deyib.

Politoloq deyib ki, sanksiyalar Rusiyaya qarşı ona görə tətbiq edilib ki, Ermənistan Dağlıq Qarabağı işğal etdiyi kimi, Rusiya da Krımı ilhaq edib, Moskva Ukraynanı parçalayaraq bu ölkədə "ikinci Dağlıq Qarabağ" yaradıb: “Bu məsələdə Rusiyaya haqq qazandırmaq, dolayısıyla Ermənistana haqq qazandırmaq deməkdir. Yaqub Eyyubov diplomatik dildə deyə bilərdi ki, Azərbaycan Avropa Birliyi ilə Rusiya arasındakı qarşıdurmanın əleyhinədir, bütün məsələlərin danışıqlar yoluyla həllinin tərəfdarıdır. Yoxsa, qaş düzətlmək yerinə gözü də vurub çıxarmaq lazım deyildi”.

Hüseyn İbadlı