14 Avqust, 2014
Bakıda avtobus qəzası: 2 ölü, 6 yaralı var - YENİLƏNİB - SİYAHI

Bakıda baş verən avtobus qəzasında xəsarət alananların adları məlum olub.

3 saylı Şəhər Klinik Xəstəxanasından verilən məlumata görə, qəza nəticəsində avtobusda olan sərnişinlərdən 52 yaşlı Dilarə Alagözova, 27 yaşlı Roman Hacıyev, 21 yaşlı Ayşən Eminova, 43 yaşlı İlahə Babayeva, 19 yaşlı Fuad Kazımov və 17 yaşlı Cəmilə Şükürlü müxtəlif xəsarətlərlə xəstəxanaya daxil olublar.

Qəza nəticəsində yaralananlardan daha bir nəfər, naməlum kişi xəstəxanada dünyasını dəyişib.

Bununla da qəzada ölənlərin sayı ikiyə çatıb.

Sabunçu rayon 3 saylı şəhər klinik xəstəxanasından Simsar.az-a bildirilib ki, yaralıların hamısı bu tibb müəssissəinə yerləşdirlib.

Xəsətxanadan verilən məlumata görə, 6 yaralı var. Onlardan əksəriyyəti cərrahiyə şöbəsindədir. Bir nəfər isə Kliniki Tibbi Mərkəzə aparılıb.

***08:41

Bu gün səhər saatlarında Heydər Əliyev prospektində, Aeroport yolunda üzü şəhər istiqamətində hərəkət edən sərnişin avtobusu, ”Koroğlu” metrostansiyasına çatmamış tikilməkdə olan Olimpiya kompleksini əhatə edən dəmir hasara çırpılıb.

ANS PRESS-in hadisə yerində olan müxbirinin verdiyi məlumata görə, hazırda hadisə yerinə Baş Dövlət Yol Polisi idarəsinin əməkdaşları cəlb olunub.

Şəhər Yol Polisi idarəsindən ANS PRESS-ə verilən məlumata görə, “İsuzu” markalı sərnişin avtobusu sürücüsü idarəetməni itirərək yüksək sürətlə Olimpiya kompleksini əhatə edən dəmir hasara çırpılıb. Qəza nəticəsində 1 nəfər həyatını itirib, 1 nəfər isə yaralanıb. Ölənin sərnişin və ya sürücü olması ilə bağlı məlumat yoxdur.

Hadisə ilə bağlı araşdırma aparılır.

Qeyd edək ki, baş verən qəza Heydər Əliyev prospektində Sabunçu körpüsündən "Koroğlu" metrosunadək uzanan tıxaca səbəb olub.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!