“Təhsildən məşğulluğa: gənc, ali təhsilli, ilk dəfə iş axtaranlara dəstək” pilot layihəsinin müsbət nəticələri respublika  miqyasında tətbiq  ediləcək. Simsar.az xəbər verir ki, bununla əlaqədar Əmək və Əhalinin Sosial Müdafiə Nazirliyi tərəfindən müvafiq təkliflərin hazırlanaraq hökumətə təqdim olunacaq.

Bu layihə çərçivəsində məşğulluq mərkəzlərində ilk dəfə iş axtaran kimi qeydiyyatda olan 15 nəfər ali təhsilli gənclə işəgötürənlər arasında əmək müqavilələri imzalanıb. Müqaviləyə görə, Beynəlxalq Əmək Təşkilatının maliyyə dəstəyi ilə əmək haqlarının yarısı onlara subsidiya şəklində ilk 6 ay ərzində ödəniləcək.

Azərbaycanda əhalinin, xüsusən gənclərin məşğulluğu sahəsində aparılan fəal siyasət  bu sahədə BƏT-in ölkəmizlə əməkdaşlığına stimul yaradıb və ölkəmiz bu təşkilatın “MDB ölkələrində gənclərin məşğulluğu sahəsində əməkdaşlıq” layihəsinə cəlb olunub. Layihənin əsas məqsədi gənclər üçün aktiv məşğulluq proqramlarının işlənib hazırlanması, həyata keçirilməsi və qiymətləndirilməsi sahəsində layihəyə cəlb olunan ölkələrin imkanlarının artırılmasıdır.

Onu da qeyd edək ki, layihə ƏƏSMN və BƏT-in birgə təşkilatçılığı ilə icra olunur.

Ülviyyə