17 Aprel, 2014
Gənc müğənni nələrlə “vidalaşdı” - FOTOSESSİYA

“Əgər bir qadın saçını dəyişirsə demək ki,  həyatını da dəyişəcək”

Səhnəyə gəldiyi gündən eyni obrazda olan gənc müğənni Afaq Aslan sözünə əməl etmədi. İfaçı “heç vaxt qara saçlarımla vidalaşmaram” deməyinə baxmayaraq saçlarını boyadı. Simsar.az-a danışan Afaq, imici ilə yanaşı şəxsi həyatını və repertuarını da dəyişir: “İstedadlı bəstəkar və hər kəsin yaxşı tanıdığı jurnalist Azər Nəsibovdan yay üçün mahnı aldım. Olduqca ritmik bəstədir. O mahnının xit olacağına iddialıyam. Ümumiyyətlə, repertuarımda xeyli dəyişiklik olacaq. Yeni mahnılar ifa edib, kliplər çəkdirəcəyəm. Hazırda yeni layihələr üzərində işləyirəm”.

Müğənni, Koko Şanelin “Əgər bir qadın saçını dəyişirsə demək ki, həyatını da dəyişəcək” – deyimini əlində bayraq edərək köklü dəyişikdən bəhs edir: “Saçımı heç vaxt dəyişməyəcəm demişdim. Amma deyəsən, mən də şou-biznesin “qaydalarına” əməl edirəm. Deyilənin əksini edirəm (gülür). İndi daha cavan göründüyümü düşünürəm. İmicimdə mənim üçün riskli hesab olunan dəyişiklik sənətimdə stimul verdi. Oxumaq, yaratmaq və yaşamaq istəyirəm. Bunun üçün də saçlarımla birgə köhnə və məni sıxan hər şeyə, hər kəsə “vida” dedim”.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!