“Ötən gün Bakı-Sumqayıt yolunda ağacların kəsilməsi dövlət əhəmiyyətli yolun genişləndirilməsi ilə bağlıdır”. Bu məlumat Simsar.az-a Ekologiya Təbii Sərvətlər Nazirliyinin mətbuat xidmətindən verilib. “Bu cür dövlət əhəmiyyətli layihələr icra edilərkən ağac kəsimi ETSN ilə razılaşdırılır. Bəzi hallarda qanuni yolla ağac kəsiminə icazə verilir. Belə olan halda ağac kəsilməsi halları ola bilər. Bakı-Sumqayıt yolunda kəsilən ağacların yaşı ötdüyündən, onların köçürülməsi mümkün olmadığından məcbur olduq ki, həmin ağacların kəsilməsinə icazə verək. Orada nə qədər ağac kəsiləcəksə, əvəzində 10 misli qədər yeni ağaclar əkiləcək. Dövlət əhəmiyyətli layihələr olanda Azərbaycan Respublikası Nazirlər Kabinetinin 2005-ci il 19 sentyabr 173 nömrəli qərarı ilə təsdiq olunmuş Azərbaycan Respublikasında Meşə Fonduna daxil olmayan ağac, kol bitkilərinin istifadəsi, mühafizəsi və qorunması qaydasının 7-ci bəndinin tələblərinə uyğun olaraq ETSN ilə razılaşdırılmalıdır. Belə ki, qurumuş ağaclar kəsilir, köçürülməsi mümkün olan ağaclar başqa əraziyə köçürülür və kəsilmiş ağacların əvəzinə başqa ərazilərdə on misli ağac əkilir”.

Gülşanə Mustafayeva