Son iki ildə yatağın işlənməsi ilə əlaqədar Azərbaycan hökumətinin payına müqavilə üzrə 308 kiloqram qızıl, 184,4 kiloqram gümüş düşüb

2009-cu ildə gədəbəydəki qızıl yatağından 353 kiloqram hasil edilib. 2010-cu ildə həmin yataqdan qızıl hasilatı 2 ton 51 kiloqrama yüksəlib. Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin baş mühəndis əvəzi Azadxan Səfərov Mədən Sənayesində Şəffaflığın Artırılması üzrə QHT Koalisiyasının qızıl sənayesində şəffaflıq mövzusunda keçirilən dəyirmi masadakı çıxışında belə deyib. Onun sözlərinə görə, 2009-cu ildə Gədəbəydəki qızıl yatağından hasil edilmiş gümüşün ümumi həcmi 128 kiloqram, 2010-cu ildə isə 1 ton 324 kiloqram olub. 

Azadxan Səfərov deyib ki, 2009-cu ildə Gədəbəy yatağının işlənməsi ilə əlaqədar Azərbaycan hökumətinin payına müqavilə üzrə 45 kiloqram qızıl, 16,4 kiloqram gümüş düşüb. Ötən il isə Azərbaycan hökumətinin həmin yataqdan payına düşən qızılın həcmi 263 kiloqram, gümüş 168 kiloqram təşkil edib.