şş

“Gezi Parkı”nda nümayişlər hələ də davam etdiyindən parka girmək çətinləşib. Simsar.az xarici KİV-ə istinadən məlumat verir ki, səhər saatlarında polis nümayişçilərə səslənərək “Gezi parkındakı nümayişçilərə dəyilməyəcək, çadırlar sökülməyəcək. Sadəcə olaraq, AKM və Taksimdəki təşviqat xarakterli plakatları götürəcəyik. Müdaxilə olmayacaq” deyib. Belə ki, polisin bu çıxışına cavab olaraq nümayişçilər plakatları təmizləməkdə onlara kömək ediblər.
Nümayişçilər artıq “Gezi Parkı”nda məqsədin dəyişdiyini etiraf edən tvitlər atıblar. Parkda içki içən, Öcalanın şəkilləri olan plakatları daşıyanlara etiraz edilib. Bununla da “direngezi”çilər əsl məqsədin ətraf mühitin qorunması olduğunu göstəriblər.

İstanbulun vilayət rəhbəri Hüseyn Mutlu, “Polisə qarşı gələnlərə polis də müdaxilə edib, ancaq dinc nümayişçilərə toxunulmayıb” - deyib. Onun sözlərinə görə polis nəzarətində saxlanılanlar da var.

Qeyd edək ki, hazırda hər kəs Baş Nazir Erdoğan ilə Taksim Həmrəylik Komitəsi təmsilçilərinin sabahkı görüşündən çıxacaq nəticəni gözləyir.

Ülviyyə Cövdətqızı