“Bizi özümüzə döydürmək istəyirlər”

“İranda saxlanılan şairlər Şəhriyar del Gerani və Fərid Hüseynin həbsində mənim adımı hallandıranlar xalqın düşmənləridi. Yazılanlara aldanmayın. Bizi özümüzə döydürmək istəyirlər”.

Bunu Simsar.az-a açıqlamasında Azərbaycan Yazıçılar Birliyində Güney Azərbaycan şöbəsinin rəhbəri postunu tutan Sayman Aruz (Həsənzadə) bildirib.

Qeyd edək ki, ölkənin bir sıra xəbər saytlarında şairlərimizin İrana AYB Güney Azərbaycan şöbəsinin rəhbəri tərəfindən göndərilməsi barədə məlumatlar dərc olunub. 

Məlumatda qeyd olunur. Sayman Aruz (Həsənzadə) 21 mart 1977-ci ildə Cənub Azərbaycanın Sulduz şəhərində anadan olub. Orta təhsilini bitirdikdən sonra Təbriz Azad Universitetinin Kənd təssərufatı fakultəsinə daxil olub. Kiçik yaşlarından xiyabanda kitab satmağım məşqul olub. Dünya Azərbaycanlıları Yazarlar Qurumunun (DAYAQ ) təsisçisi və rəhbəridir.

2004-2005-ci illərdə İranın Azərbaycandakı səfmirliyində İran Mədəniyyət Mərkəzində işləyib. Təxminən 4 il bu mərkəzdə işlədikdən sonra müəmmalı şəkildə İrana qayıdıb. Daxil olan informasiyalara əsasən İran Mədəniyyət Mərkəzində işlədiyi zamanlarda onu hər kəs fars-molla rejiminin casusu kimi tanıyıb. İranda yaşadığı dönəmləri isə kifayət qədər qaranlıqdır. Daxil olan xəbərlərə əsasən sonradan Bakıya şair obrazında qayıdan sayman Aruz artıq AYB-də belə yüksək post tuta bilib. O hazırda Azərbaycanda yaşayır və ailəlidir.


Məlumatda həmçinin  bildirilir ki, mayın 2-də İranda həbs edilmiş gənc şairlərimiz Şəhriyar del Gerani və Fərid Hüseynin səfərinin bütün təşkilatçılığını məhz Sayman Aruz edib. Onların bütün dosyelərini əvvəlcə İrana yollayıb. ETTELLAT-dan gələn cavab «müsbət» olub. Bundan sonra isə guya Təbrizdə hansısa ədəbiyyat tədbirinə dəvət edilib. Və səfərin bütün xərclərini də S.Aruzun çəkdiyi söylənilir(?).


S.Aruz simsar.az-a açıqlamasında qeyd edib ki, şairlərin İrana getməsindən xəbəri olmayıb: “Mənim bundan xəbərim olmayıb.
Gələndə hər şeyi özlərindən soruşarsız. İnşallah!”.

AYB üzvü sonda əlavə etdi ki, barəsindəki yazı sifarişlidir: “Barəmdəki yazı sifarişlə yazılıb. Sifarişçilər tapılacaq”.

RUSLAN