Okeanın o tayından Rusiya rəhbərliyinə ciddi mesajlar gəlməkdədir

Amerikalı senator Con Makkeyn növbəti dəfə Rusiya ilə Liviyanı müqayisə edib. Konkret olaraq o bəyan edib ki, Müəmmar Qəddafinin qətlə yetirilməsi Rusiya baş naziri Vladimir Putini narahat etməlidir.

“Bütün ölkələrin diktatorları, o cümlədən Bəşər Əsəd, eləcə də ola bilsin ki, mister Putin, habelə Çinin bəzi rəsmiləri narahatlıq keçirməlidir”, - deyə BBC telekanalının “Newsnight” proqramının efirində Makkeyn bildirib.

Aparıcının “Sizcə, Qəddafinin ölümü Rusiyada təlatümlərə səbəb ola bilərmi?” sualına cavab olaraq Makkeyn bunları deyib: “Düşünürəm ki, insanlar küçəyə çıxa bilər, bu mümkündür. Lakin öncədən nəsə deyə bilmərəm”.

Amerikalı senator həmçinin əminliklə bildirib ki, Liviya xalqı Tehran, Dəməşq, hətta Pekin və Moskvada yaşayan insanlara ilham verib.