15 Sentyabr, 2011
Misir Mərdanovun 3 müavinin çıxarılmasına deputatdan reaksiya

Musa Qasımlı: "Dövlət lazım olanları edib, əsas direktorlar və müəllimlərdi" 

Təhsil nazirinin üç müavininin işdən azad edilməsi Prezident İlham Əliyevin təhsilimizin inkişafına daha böyük diqqətinin nəticəsidir.

Bunu Simsar.az-a açıqlamasında Milli Məclisin Elm və təhsil komitəsinin üzvü Musa Qasımlı deyib. Onun sözlərinə görə, ölkə başçısının bu qərarı ölkəmizdə təhsilə verilən diqqətin nümunəsidir. Hesab edirəm ki, bu addım təhsilimizdə müəyyən irəliləyişlərə gətirəcək.

Deputat vurğulayıb ki, bu, bir daha göstərir ki, ölkəmizin inkişafında təhsil priolitet istiqamətlərdən biridir: “Bildiyiniz kimi, hətta ən ucqar dağ kəndlərində belə müasir tipli məktəblər tikilib və müasir texnologiyalarla təchiz edilib. Bütü avadanlıq verilib. Dövlət lazım olan məsələləri həll edib. Əsas məktəb direktoru və müəllimlərdir. Bu isə rayon təhsil şöbələrinin və yerli icra hakimiyyəti orqanlarının biləvasitə məhsuliyyətidir. Əminəm ki, orta məktəblərimizdə ciddi nizam-intizam daha da möhkəmləndiriləcək və dərslərin keyfiyyəti artırılacaq".

Xatirladaq ki, təhsil nazirinin müavinləri İradə Hüseynova, Elmar Qasımov və İsgəndər İsgəndərov Prezident İlham Əliyevin sərəncamı ilə dünən işdən azad olunublar. Nazirliyin Beynəlxalq Əlaqələr İdarəsinin rəisi Qulu Novruzov nazir müavini təyin olunub. Digər iki müavin vəzifəsinə hələlik təyinat yoxdur.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!