"FOQTS AZƏRBAYCANI XALQINI ALDATMAQLA MƏŞĞULDUR"
“Foqtsun dedikləri sadəcə pafoslu sözlərdir. 2016-cı ildə milli komandamızın Avropa çempionatının final mərhələsinə çıxması qeyri-mümkündür”. Bu sözləri futbol365.az saytına açıqlamasında Azərbaycan milli komandasının sabiq baş məşqçisi Şahin Diniyev deyib.
O, millimizin alman çalışdırıcısı Berti Foqtsun Azərbaycan xalqını aldatmaqla məşğul olduğunu bildirib: “Nəyəsə iddia etdikdə buna əsas olmalıdır. Əgər, Azərbaycan yığması AÇ-2016-nın final mərhələsinə iddialıdırsa, bu gün bizim 19, 21 yaşlardan ibarət mililərimiz nəsə qazanmalıdır. Amma hələ ki biz aşağı yaş qruplarında da uğur əldə edə bilmirik. Foqtsun dedikləri tamamilə absurddur. O, Azərbaycan xalqını aldatmaqla, barmağına dolamaqla məşğuldur. Alman məşqçi millimizdə daha çox qalmaq üçün belə fikirlər səsləndirir. Amma unutmasın ki, bu ölkədə də futbolu başa düşənlər var”.
Ş.Diniyev bildirib ki, Azərbaycan yığmasının potensialı AÇ-2016-nın seçmə mərhələsində də ancaq qrup sonuncusu olmamağa çatır: “Təxminən 5 ildən sonra millimizdə indiki U-21 komandamız oynamalıdır. Onların da final mərhələsinə çıxmaq potensialından danışmağa dəyməz”.
Qeyd edək ki, Foqts bu gün keçirdiyi mətbuat konfransında millimizin AÇ-2016-nın final mərhələsinə vəsiqə qazanmaq şansının olduğunu iddia edib.
Aybəniz Haşımova Emin Əmrullayevə təşəkkür etdi
Silahlı Qüvvələr gününə həsr olunmuş Braziliya Ciu-Citsu üzrə Açıq Bakı turniri keçirilib
Azərbaycanlı şagirdlər ABŞ - dan medallarla döndülər_thumb.jpg)
Aybəniz Haşımova və Sənət Akademiyası Qurtuluş Günü ilə bağlı Aktau şəhərində konsert verib
.jpg)
