Səsdən də sürətli pilotsuz təyyarə sınaqdan keçiriləcək
Pentaqona məxsus Amerika Müdafiə və Araşdırma Agentliyi (AMAA) səsdən 20 dəfə daha sürətli uça bilən pilotsuz təyyarəni sınaqdan keçirəcək. Məqsəd dünyanın hər hansı bir nöqtəsini bir saat içərisində vurmağın mümkünlüyünü yoxlamaqdır.
“Falcon HTV-2” adı verilən ox formasındakı təyyarə bu gün raketlə ABŞ-ın Kaliforniya ştatındakı Vandenberg hava limanından səmaya buraxılacaq. Müəyyən bir yüksəklikdə raketdən ayrılacaq təyyarə başlığı saatda təxminən 21 min kilometr sürətlə hərəkət edəcək. (Bu, Falcon HTV-2-nin Nyu-York - Los Angeles arasındakı məsafəni 12 dəqiqədən də az müddətdə qət edə bilməsi mənasını verir).
Falcon HTV-2 ötən ilin mart və aprel aylarında da test edilib. Amma cəmi 9 dəqiqə havada qala bilmişdi. Araşdırma mərkəzindən verilən şərhdə bildirilir ki, layihənin məqsədi lazım olduğunda Amerika ordusunun dünyanın hər hansı bir nöqtəsini bir saatdan az müddət ərzində vura bilməsidir.
ABŞ Hərbi Hava Qüvvələrinin mayoru Kris Skulz da yüksək sürətlərlə əlaqədar daha əvvəl ortaya ortaya atılmış ehtimalların sınaqdan keçirilməsinin əhəmiyyətindən danışıb.
RAMİL