ARDNŞ-nin birbaşa tabeliyində yeni qurum - Təlim, Tədris və Sertifikatlaşdırma İdarəsi (TTSİ) yaradılıb.
Simsar.az-ın qurumun saytına istinadən xəbərinə görə, TTSİ Sosial İnkişaf İdarəsinin Təlim, Tədris və Sertifikatlaşdırma Departamentinin və Xəzər Dəniz Neft Donanmasının Dənizdə insan həyatının mühafizəsi üzrə Təlim Mərkəzinin maddi-texniki bazası əsasında fəaliyyət göstərəcək.
Yeni yaradılmış idarə sazişlər əsasında neft sənayesi və respublikanın digər sənaye sahələri üçün yüksək ixtisaslı fəhlə kadrlarının hazırlanmasını, peşələr üzrə təlim-tədrisin beynəlxalq standartların tələbləri səviyyəsində qurulmasını, sənayenin və cəmiyyətin ehtiyaclarını ödəyən yüksək keyfiyyətli təlimlərin təşkilini, sertifikatlaşdırma və beynəlxalq standartların nəzəri əsaslarının həyata keçirilməsində metodiki və texniki xidmətlərin göstərilməsini, o cümlədən dəniz neftçilərinə beynəlxalq müqavilələr əsasında standartlara uyğun təlimlərin aparılmasını və təkmilləşdirilməsini həyata keçirir. İdarə peşə-ixtisas təhsili müəssisələrində ayrı-ayrı peşələr üzrə yeni fəhlə kadrların, ARDNŞ-nin mühəndis-texniki işçilərinin tələb olunan səviyyədə yenidən hazırlanmasını, şirkətin müəssisə və təşkilatlarına işə qəbul olunanların əməyin mühafizəsi və təhlükəsizlik qaydaları üzrə təlimatlandırılmasını, müəssisə və təşkilatlarda çalışan qaynaqçıların attestasiyası və beynəlxalq standartlara uyğunlaşdırılması proqramının tərtib edilməsini, kurslara cəlb edilmiş mühəndis-texniki işçilərin, attestasiyadan keçirilən qaynaqçıların, dalğıcların, matrosların və dəniz neftçilərinin sertifikatlaşdırılmasını təmin edəcək, beynəlxalq standartların nəzəri əsaslarının hazırlanması və həyata keçirilməsində ARDNŞ-nin müəssisələrinə texniki yardımların göstərilməsinin təşkili, həmçinin tabeliyində olan peşə-ixtisas təhsili müəssisələrində təhsil qanunvericiliyinin icrasına nəzarəti yerinə yetirəcək.
Onu da qeyd edək ki, ARDNŞ prezidentinin əmri ilə Fuad Süleymanov Təlim, Tədris və Sertifikatlaşdırma İdarəsinin rəisi təyin olunub.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
