Meksikada 1500 nəfəri öldürməkdə ittiham olunan narkobaron həbs edilib
Meksika hüquq-mühafizə orqanları “Xuares” narkokartelinin rəhbəri, “Dieqo” ləqəbli Xose Antonio Akostunu həbs ediblər. “Dieqo” ölkənin şimalındakı Syudad-Xuares şəhərində 1500 nəfərin ölümündə iştirak etməkdə təqsirləndirilir. Hökumət uzun müddətdən bəri axtarışda olan “Dieqo”nun yerini deyən şəxsə 1 milyon dollar mükafat boyun olmuşdu. Onun fəaliyyətinin əsas qurbanları polislər, mülki şəxslər və “Xuares”lə rəqabət aparan cinayətkar qruplaşmaların üzvləri olub. “Dieqo”nun həbsi ABŞ-ın Narikotiklərlə Mübarizə İdarəsi ilə əməkdaşlıq nəticəsində mümkün olub.
Qeyd edək ki, Meksika prezidenti Felipe Kalderon hakimiyyətə gəldiyi 2006-cı ildən mütəşəkkil cinayətkarlığa və narkomafiyaya qarşı müharibə elan edib.Meksika ABŞ-la sərhəd bölgələrə 60 min hərbçi göndərib. Lakin görülən tədbirlərə rəğmən ölkədə bu sahədə vəziyyət yaxşılığa doğru dəyişmir. Kalderonun hakimiyyəti dövründə mafiya ölkədə 40 mindən çox insanı qətlə yetirib.
Müstəqil ekspertlərin hesablamalarına görə, Meksika narkokartellərinin ABŞ-a narkotik maddələr daşınmasından əldə etdiyi illik gəlir 40 milyard dollara yaxındır.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
