Azərbaycan Ermənistanda keçiriləcək “Junior Eurovision”a qatılmayacaq
Ermənistanda keçiriləcək “Eurovision Junior -2011”də iştirak üçün artıq 12 ölkə öz ərizəsini təqdim edib. Simsar.az-ın Ermənistan mətbuatına istinadən yaydığı xəbərə görə, ölkənin “Eurovision” üzrə musiqi prodüseri Qriqor Nazaryan Azərbaycan və Türkiyənin ərizə vermədiklərini deyib. Ərizələrin qəbulu iyulun 20-də başa çatıb.
Q. Nazaryan onu da əlavə edib ki, Ermənistanın Azərbaycanın ev sahibliyi edəcəyi “Eurovision-2012” yarışmasında iştirakı hələ sual altındandır. O bildirib ki, ölkənin müsabiqədə təmsil olunması üçün həm Azərbaycan, həm də Avropa Yayım Birliyi təhlükəsizlik zəmanəti verməlidir.