Onun satışlarına ilin sonunda başlanacaq
Dünyanın ilk uçan avtomobilini hazırlamış "Terrafugia" şirkətinin mühəndisləri indi həmin qurğunun dizyanının təkmilləşdirilməsinə çalışırlar.
"Terrafugia Transition" adlanan uçan avtomobilin paraşütü də var.
Adi yollarda avtomobil kimi hərəkət edən bu "uçan maşın" ehtiyac yarananda səmaya qalxır.
"Terrafugia" mənsublarının dediklərinə görə, artıq 70 nəfər ilkin ödəniş qismində 10 min dollar ödəyərək uçan avtomobili sifariş veriblər.
Qiyməti 194 min dollar təşkil edən uçan maşının satışlarına bu ilin sonunda başlanacaq.
"Terrafugia Transition" yerdə adi benzin mühərriki, havada isə 100 at gücündə "Rotax 912S" propeller mühərrikindən istifadə edir. Uçan maşın səmada 724 km məsafəni 185 km/saat sürətlə bir bak yanacaqla qət edir. Yerdə isə həmin bak maşına 105 kilometr məsafəyə çatır.