TQDK bu sualı verənlərdən Prokurorluğa şikayət edəcək
Simsar.az-ın məlumatına görə, bu gün keçirdiyi mətbuat konfransında TQDK sədri bildirib ki, belə hallar dələduzluğun bir formasıdır: “Azərbaycanda hər bir valideyn bilir ki, uşağının biliyi varsa, ali məktəbə qəbul olacaq. Qəbul imtahanlarında 0-100 bal toplayan abituriyentlər bu prosesdə daha çox iştirak edirlər. Təəssüf ki, valideynlər bu yollara əl atırlar. Halbuki onların gözünün qabağında vaxtilə qeyri-qanuni qəbul aparan universitetlər bağlandı. Bir neçə gün əvvəl isə mən küçələrdə ingilis, rus dillərində Rusiya, Türkiyə, Ukrayna universitetlərində təhsil almaqla bağlı reklam xarakterli yazılar görmüşəm. Belə reklamlar imtahan keçirilən binaların qarşısında da paylanılır. Mən bununla bağlı müvafiq dövlət qurumlarına müraciət edəcəyəm. İnsanlar belə dələduzların əməllərinə uymamalıdır. Valideynlərlə maarifləndirmə işləri aparmaq lazımdır ki, buna getməsinlər. Bunun nəticəsi olmayacaq”.
TQDK sədri bəyan edib ki, qanunsuz yollarla xarici ölkələrin ali məktəblərinə qəbul edilənlər sonradan Azərbaycanın ali məktəblərinə köçürülə bilməyəcəklər: “TQDK-nın tələbə-məzun elektron sistemində hər bir məzunun nəticələri əks olunub. Mənə özəl ali məktəblərin birində bir məktub gəlmişdi. Vaxtilə bu ali məktəbə tibb ixtisası üzrə 6 adam qəbul olunmuşdu, sonradan isə orada tibb ixtisası üzrə qəbul aparılmamışdı. Onlar həmin universitetin tibb ixtisasını bitirən şəxslərə rezidenturaya qəbul imtahanlarında köməklik göstərilməsini istəyirdilər. Biz bu məsələni araşdırdıq və məlum oldu ki, orada tibb ixtisası üzrə artıq 24 nəfər oxuyur. Lakin biz onları oraya qəbul etməmişdik. Onları nəinki rezidenturaya qəbul eləmək, nəinki xəstənin, heç ölünün də yanına buraxmaq olmaz. İnsanlar səhv qərar verəndə bilməlidirlər ki, bu qərarın məsuliyyəti onların öz üzərinə düşəcək”.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
