Ölənlər və yaralananlar var
Qazaxıstanın Balxaş şəhərində koloniyada məhbuslar həbsxana gözətçilərinə hücum çəkiblər.
Simsar.az-ın Qazaxıstan mətbuatına istinadən verdiyi məlumata görə, 30 məhbusun hücumu nəticəsində 1 hərbçi ölüb, 2 hərbçi yaralanıb. Qazaxıstan Ədliyyə Nazirliyi məhbusların qaçaraq azadlığa çıxmaq istədiklərini, ancaq onların bu planının qarşısının alındığını bildirib. Təcridxananın əməkdaşları qaçış planının qarşısını alıblar. Cinayət-Təcridxana Sistemi Komitəsinin rəhbərliyi hadisə yerinə gedib.