“Abadan şəhərində baş vermiş partlayışlar nəticəsində insan tələfatı xəbəri məni olduqca kədərləndirdi"
Azərbaycan Respublikası prezidenti İlham Əliyev Türkmənistanın Abadan şəhərində baş verən və insan itkisinə səbəb olan partlayışla bağlı Türkmənistan prezidenti Qurbanqulu Berdiməhəmmədova başsağlığı verib.
Simsar.az-ın “AzərTAc” agentliyinə istinadən verdiyi məlumata görə, məktubda deyilir: “Abadan şəhərində baş vermiş partlayışlar nəticəsində insan tələfatı xəbəri məni olduqca kədərləndirdi. Sizə, həlak olanların ailələrinə və yaxın adamlarına dərin hüznlə başsağlığı verirəm. Allah rəhmət eləsin!”