“Vətən”ə kimin rejissorluq edəcəyi hələ bilinmir
"Azərstar 2008” mahnı müsabiqəsinin iştirakçısı olmuş Şahnaz Əliyeva Göktürk sözləri və musiqisi Möhsün Əhmədə məxsus “Vətən” adlı mahnısına klip çəkdirməyi planlaşdırır.
Simsar.az saytının məlumatına görə, klipin rejissoru hələ bəlli deyil. Hazırda bir neçə rejissorla danışıqlar aparılır. Bundan başqa, müğənni albom üzərində çalışır. Albomda Esmiralda Hüseynova, Vüqar və bir neçə bəstəkarların mahnıları yer alacaq.
Müsabiqədən sonra daha çox dövlət tədbirlərində iştirak edən müğənni yeni mövsümdə artıq efirlərdə tez-tez görünməyi planlaşdırır.
Xatırladaq ki, Şahnaz müsabiqədən sonra ailə qurduğu üçün bir qədər sənətində yubanma olub. Hazırda bir qız anası olan müğənninin prodüsseri həyat yoldaşı Gökhan Göktürkdür.
Azər