Nazir “Eurovision” müsabiqəsindən danışdı
Sözsüz ki, Azərbaycan ev sahibliyi etdiyi beynəlxalq tədbirlər zamanı hər zaman ölkəmizin həqiqətlərini dünyaya təqdim edirik və bu yolda daima işlər görürük. “Eurovision” müsabiqəsi ərəfəsində də bu yöndə çox gözəl işlərimiz olacaq”.Bu sözləri mədəniyyət və turizm naziri Əbülfəs Qarayev jurnalistlərə açıqlamasında deyib. Nazir qeyd edib ki, Azərbaycanda turizm potensialını əks etdirən reklamlar, sərgilər və müxtəlif tədbirlər keçirilir: “Bu çox böyük bir fürsətdir. Hesab edirəm ki, hər hansı beynəlxalq tədbirin Azərbaycanda keçirilməsi ölkəmizin gerçəklərinin, hazırkı vəziyyətinin, Azərbaycanda gedən işlər haqqında məlumatları yaymaq və təbliğ etmək üçün böyük fürsətdir. Bu işlər Azərbaycan tərəfindən daima görülür və mötəbər “Eurovision” yarışması dönəmində də davam etdiriləcək”.