“Simsar” jurnalının sorğusuna cavab verə bilməyənlər
Heydər Əlirza oğlu Əliyev 1923-cü il mayın 10-da Naxçıvan şəhərində anadan olub. O, 1939-cu ildə Naxçıvan Pedaqoji Texnikumunu bitirdikdən sonra Azərbaycan Sənaye İnstitutunun (indiki Azərbaycan Dövlət Neft Akademiyası) memarlıq fakültəsində təhsil alıb.
1941-ci ildə Naxçıvan MSSR Xalq Daxili İşlər Komissarlığında və Xalq Komissarları Sovetində şöbə müdiri işləyib. 1944-cü ildə dövlət təhlükəsizliyi orqanlarında işə göndərilib. Bu dövrdən təhlükəsizlik orqanları sistemində çalışan Heydər Əliyev 1964-cü ildən Azərbaycan SSR Nazirlər Soveti yanında Dövlət Təhlükəsizliyi Komitəsi sədrinin müavini, olub.1957-ci ildə isə Azərbaycan Dövlət Universitetinin tarix fakültəsini bitirib.
Azərbaycan Kommunist Partiyası Mərkəzi Komitəsinin 1969-cu il iyul plenumunda Azərbaycan Kommunist Partiyası Mərkəzi Komitəsinin birinci katibi seçilərək respublikanın rəhbəri olub.1982-ci ilin dekabrında Sovet İttifaqı Kommunist Partiyası Mərkəzi Komitəsi Siyasi Bürosunun üzvü seçilən Heydər Əliyev SSRİ Nazirlər Soveti sədrinin birinci müavini vəzifəsinə təyin edilib.
1990-cı ilin iyulunda Azərbaycana qayıdan Heydər Əliyev Naxçıvan Muxtar Respublikası Ali Məclisinin sədri, Azərbaycan Respublikası Ali Soveti sədrinin müavini olub. 1993-cü il oktyabrın 3-də ümumxalq səsverməsi nəticəsində Azərbaycan Respublikasının Prezidenti seçilib.
Onun doğum tarixini hamı bilməlidir, balacadan böyüyəcən... Və elə bilirdik ki, tanınmışlar yanılmayacaqlar, sualımızı doğru cavablandıracaqlar. Əslində, yalnız 4 sənətçi sualımıza doğru cavab verdi.... Eyib etməz, öyrənmək heç vaxt gec deyil...
Müğənni Samir Salam : Vallah yalan deyərəm. Deyə bilmərəm.
Prodüser Tarix Əliyev : Deyəcəm bilmirəm, deyəcəksiniz sizə ayıb olsun. Bilmirəm.
Jurnalist Ceyran Nəriman : 1923 – cü il mayın 10.
Rəqqasə Oksana : ili “21”, ili “24”.
Müğənni Nüşabə Ələsgərli : 1923 mayın 10 – da.
DJ Anar : Vallah bilmədim.
Xalq artisti Arif Quluyev : Bir azdan zəng edin dəqiqləşdirim.
Xalq artisti Mənsum İbrahimov : Ayın bilirəm mayın 10 – dur, ilinı gərək düşünəm tədbirdəyəm. (bir qədər sonra zəng edir) 1927 – ci ildəndir.
Əməkdar artist Ələsgər Məmmədoğlu : 1923 .
Aktyor Elman Rəfiyev : 10 may 1923 – cü il də. Xanım bu sualı bilmək hər bir Azərbaycanlının borcudur.
Sevinc Vəliyeva