Nümayəndə heyətinin rəhbəri: “Hər şey yaxın bir neçə ay ərzində aydınlaşacaq”
Ermənistanın gələn ilin mayında Azərbaycanda keçiriləcək “Eurovision-2012” mahnı müsbaqiəsində iştirakı hələ müzakirə mərhələsindədir. Bunu News.am saytına açıqlamasında Ermənistanın “Eurovision”dakı nümayəndə heyətinin rəhbəri Qoar Qasparyan deyib. Onun sözlərinə görə, Ermənistanı “Eurovision-2012” mahnı müsabiqəsində “System of a Down” qrupu və ya Razmik Amyanın təmsil edəcəyi barədə şayiələr yalnız söhbətdir. “Biz hələ iştirak edib-etməmək barədə düşünürük. Hətta bu məsələ də həll olunmayıb. Hər şey yaxın aylarda aydınlaşacaq”, - Qoar Qasparyan deyib. Onun sözlərinə görə, məsələ Azərbaycan və Avropa Yayım Şurası ilə təhlükəsizliyin təminatı ilə bağlı aparılan danışıqlardan asılıdır.
ANS