Bir əşya belə çıxartmaq mümkün olmayıb
Azərbaycanın Lənkəran rayonunda dəhşətli yanğın hadisəsi baş verib. APA-nın cənub bürosunun məlumatına görə, hadisə bu gün saat 11.00 radələrində rayonun Nərimanabad-1 qəsəbəsində ikimərtəbəli, 8 mənzilli yaşayış binasında qeydə alınıb.
Yanğının söndürülməsi üçün hadisə yerinə Fövqəladə Hallar Nazirliyinin (FHN) Cənub Dövlət Yanğın Nəzarəti Xidmətinin 4 yanğınsöndürən maşını cəlb olunub. Onların səylərinə baxmayaraq, binanın mənzilləri içindəki məişət avadanlıqları ilə birlikdə tamamilə yanıb. Xoşbəxtlikdən sakinlərdən xəsarət alan olmayıb. Hadisə yerinə gələn Lənkəran Şəhər İcra Hakimiyyətinin başçısı Tofiq İbrahimov sakinlərin müvəqqəti yerləşdirilməsi və binanın bir həftə ərzində təmir edilərək istifadəyə verilməsi barədə müvafiq qurumların rəhbərlərinə tapşırıq verib.
İlkin ehtimallara görə, binadakı yanğına mənzillərin birində məişət qaz balonunun partlamasının səbəb olduğu bildirilir.
Faktla bağlı araşdırma aparılır.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
