2010-cu ilin mayından bu ilin mayınadək ən çox qazanc əldə etmiş Hollivud aktrisalarının adı açıqlanıb.
Simsar.az-ın Rusiya KİV-nə istinadən verdiyi məlumata görə, reytinqi «Forbes» jurnalı müəyyənləşdirib.
İlk yeri 2 ulduz aktrisa bölüşüb. Ancelina Coli və Sara Cessika Parker son 1 il ərzində hərəyə 30 milyon dollar qazanıblar. Colinin əsas gəliri «Solt» və «Turist» filmlərindən olub. Bu filmlər ABŞ-da xüsusi populyarlıq qazanmasa da, əsasən xarici tamaşaçıların marağı üzündən prokatlardan müvafiq olaraq 300 və 280 milyon dollar gəlir gətirib.
Sara Cessika Parkerin əsas gəliri isə «Böyük şəhərdə seks-2» filmindən olub. Film istehsalçılarına 290 milyon dollar qazandırıb.
Ən çox qazanmış Hollivud aktrisalarının ilk beşliyində Cennifer Eniston (28 milyon dollar), Riz Uizerspun (28 milyon) və Culiya Roberts də (20 milyon) var. Sonrakı yerləri Kristen Btüart (20 milyon), Ketrin Heyql (19 milyon), Kemeron Dias (18 milyon), Sandra Bullok (15 milyon), Meril Strip (10 milyon) tuturlar.