Onların istirahəti yarımçıq qaldı
Bakıdan Qubaya ailəliklə istirahətə gələn Kazımovlar ailəsi turun ləzzətini çıxarmadan geri qayıdıblar. Bakı şəhər Xətai rayon sakini 2001-ci il təvəllüdlü Kazımov Rəsul Kamal oğlu ehtiyatsızlıqdan Qubanın Təngəaltı istirahət zonasındakı Afurca şəlaləsinə düşüb.
Simsar.az-ın bölgə müxbirinin məlumatına görə, anası Südabə Kazımova bildirib ki, şəlalədə dincələrkən oğlu qayanın qırağına gedib, ordan şəkil çəkdirərkən ayağı sürüşərək yıxılıb. Valideynlərinin köməyi ilə Rəsul Kazımov Quba Mərkəzi Rayon Xəstəxanasının Travmatalogiya şöbəsinə yerləşdirilib. Xəstəxananın həkimi Gəray Qurbanov Simsar.az-a bildirib ki, R. Kazımov sol körpücük sümüyünün sınığı diaqnozu ilə xəsarət alıb.
Hazırda onun vəziyəti normaldır.
EMİN