Avtomobil polis maşınına çırpılmamışdan qabaq betona deyib
Az hallarda olsa da yol polislərinin də maşınları hədəfə alınır. Qayda pozuntusuna yol verən sürücünün arxasınca düşən polis maşının nəyəsə çırpılmasının az şahidi olmamışıq.
İyunun 29-da Binəqədi rayonunda buna bənzər hadisə baş verib. Simsar.az saytına Daxili İşlər Nazirliyinin mətbuat xidmətindən daxil olan məlumata görə, yol polisi əməkdaşları yol hərəkət qaydalarını kobud şəkildə pozan paytaxt sakini Vilayət Nağıyevin idarə etdiyi “Mercedes”i saxlamaq istəyiblər. Lakin sürücü polisin qanuni tələbinə məhəl qoymayıb və ötərək keçmək istəyib. Bu zaman V.Nağıyev avtomobilin idarəetməsini itirərək onu beton maneəyə çırpıb. Dərhal maşında olan 3 sərnişin düşərək qaçıb. V.Nağıyev isə qəzaya düşmüş maşınını geriyə hərəkət etdirərək polisə məxsus “BMW”-yə çırpıb.
Polisin səyləri nəticəsində V.Nağıyevi saxlamaq mümkün olub. Onun maşınına baxış keçirilən zaman xeyli miqdarda saxta əskinas götürülüb. Bundan başqa, maşından qanunla qadağan olunmuş bəzi əşyalar da tapılıb. Həmçinin məlum olub ki, V.Nağıyev həmin gün yanacaqdoldurma məntəqəsinə saxta 50 manatlıq verərək benzin alıb.
Faktla əlaqədar araşdırma aparılır.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
