Arif Hacılı həbsxanadan buraxılmadı
Bakı Şəhər Prokurorluğu Ümid Partiyasının sədri, millət vəkili İqbal Ağazadənin müraciətini qəbul etməyib və həbsdə olan Müsavat Partiyası Mərkəzi Aparatının rəhbəri Arif Hacılını onun şəxsi zaminliyinə verməyib.
Bu barədə Lent.az-a partiyadan məlumat daxil olub. Məlumatda bildirilir ki, İqbal Ağazadə Azərbaycan Respublikasının baş prokuroru Zakir Qaralova müraciət edərək, Arif Hacılı haqqında qəbul olunmuş həbs qətimkan tədbirinin dəyişdirilməsi və şəxsi zaminlik qətimkan tədbiri ilə əvəz olunmasını istəmişdi.
Bakı Şəhər Prokurorluğundan millət vəkilinə verilən cavab isə pozitiv olmayıb. Belə ki, Müsavat partiyasının Mərkəzi Aparatının rəhbəri Arif Hacılının qanuna zidd hərəkətlərin təşkilində və icazəsiz aksiyaya rəhbərlik etməsini əsas gətirərək istintaqın indiki mərhələsində barəsindəki həbs qət-imkan tədbirinin bir başqa qət-imkan tədbiri ilə dəyişdirilməsi məqsədə müvafiq hesab edilməyib.
Xatırladaq ki, Arif Hacılı Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham olunur. Mayın 24-də Səbail rayon Məhkəməsi A. Hacılı barəsində həbs-qətimkan tədbirinin müddətini daha 2 ay uzadıb.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
