Falşı həbs olundu
Simsar.az-ın DİN-nin rəsmi saytına istinadən verdiyi xəbərə görə, 30 yaşlı Müşfiq Allahverdiyev dələduzluq əməlini törətmək üçün ən çirkin yola əl atmaqdan çəkinməyib. O, planını həyata keçirmək üçün özünü Mir Mövsüm Ağanın nəvəsi kimi təqdim edirimiş. Onun şikarları isə hiyləsinə inanaraq pul, qızıl və digər qiymətli əşyaları səxavətlə ona verirmişlər. M.Allahverdiyev fırıldaq əməlini Bakının bir neçə rayonunda həyata keçirib.
Paytaxt polisi dələduz falçını həbs edib. Bakı Şəhər Baş Polis İdarəsindən Milli.Az xəbər portalına veruilən məlumata görə, cinayət hadisəsi Bakının Suraxanı rayonunda törədilib.
Belə ki, 2010-cu il oktyabrın 16-da naməlum şəxs Yeni Günəşlidə yerləşən mağazada satıcı işləyən Lalə Əhmədovanı fırıldaq yolu ilə soyub. Həmin şəxs qadının falına baxmaq adı ilə aldadaraq 50 manat, bir ədəd qızıl üzük, mobil telefon və uşaq oyuncaqları alaraq gedib.
Suraxanı rayon Polis İdarəsinin 33-cü polis bölməsi əməkdaşlarının keçirdiyi əməliyyat tədbirləri nəticəsində dələduzluqda şübhəli bilinən Suraxanı qəsəbə sakini Müşviq Allahverdiyev iyunun 22-də yaxalanıb.