Bəzi ərazilər çox təhlükəlidir
Azərbaycan seysmik baxımdan çox təhlükəli zonada yerləşir. Trend-in məlumatına görə, bunu çərşənbə axşamı jurnalistlərə AMEA-nın Geologiya İnstitutunun Geodinamika və seysmologiya şöbəsinin müdiri Fəxrəddin Qədirov bildirib.
"Ərəb piltəsinin hərəkəti nəticəsində davamlı olaraq sıxılma prosesləri gedir. Deformasiya prosesləri nəticəsində zəlzələlər, vulkan püsgürmələri, yerdə yarıqlar, yeni çatlar əmələ gəlir. Bu isə Azərbaycan infrastrukturu, xüsusilə neft infrastrukturu üçün böyük təhlükə yaradır", - Qədirov deyib.
O qeyd edib ki, institutun işinin bir hissəsi monitorinq aparmaq, geodinamik şəraitə nəzarət etməkdir. Digər istiqamət isə neft yataqlarında başqa seysmik metodlarla əmələ gələn zərərləri öyrənməkdir.
"Azərbaycanda geodinamik vəziyyət o qədər də yaxşı deyil, bəzi ərazilər çox təhlükəlidir. Orada çox güclü deformasiya prosesləri gedir. Bəzi ərazilərdə uzaqda baş verən zəlzələlər hiss olunur. Bizim bəxtimiz gətirib ki, həmin ərazilərdə infrastruktur yoxdur", - Qədirov əlavə edib.
Onun sözlərinə görə, institutun əməkdaşları artıq 10 ildir ABŞ ekspertləri ilə birgə tədqiqatlar aparırlar.
"Bakı-Tbilisi-Ceyhan neft boru kəmərinin seysmik təhlükəsizliyi ilə bağlı ciddi işlər aparılır və deformasiya proseslərinə nəzarət edilir. Hazırda BTC-də seysmik vəziyyət normaldır", - şöbə müdiri bildirib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
