Beynəlxalq Əmək Konfransının 100-cü yubleyində «Layiqli əmək vasitəsilə gələcəyin qurulması» mövzusu müzakirə olunub
2011-ci il iyunun 1-dən 17-dək İsveçrənin Cenevrə şəhərində Beynəlxalq Əmək Təşkilatının üzv dövlətlərinin hökumət nümayəndələri və sosial tərəfdaşlarının iştirakı ilə Beynəlxalq Əmək Konfransının «Layiqli əmək vasitəsilə gələcəyin qurulması» mövzusunda 100-cü yubiley sessiyası keçirilib.
Beynəlxalq Əmək Təşkilatına üzv dövlətlərin üçtərəfli şəkildə iştirak etdiyi beynəlxalq tədbirdə Azərbaycanı Həmkarlar İttifaqları Konfederasiyasının sədri Səttar Mehbalıyevin başçılıq etdiyi nümayəndə heyəti təmsil edib.
Tədbirin gündəliyinə Beynəlxalq Əmək Təşkilatının Baş direktorunun və İnzibati Şuranın sədrinin məruzələri, həmçinin məşğulluqla bağlı ayrı-seçkiliyin aradan qaldırılması mövzusunu ehtiva edən əmək sahəsində fundamental prinsip və hüquqlar üzrə qlobal məruzələrin dinlənilməsi, evdə işləyən işçilər üçün layiqli əməyin təminatı və s. kimi məsələlər daxil edilib.
Konfransda AHİK sədri, millət vəkili Səttar Mehbalıyev çıxış edərək Beynəlxalq Əmək Təşkilatının Baş direktorunun məruzəsinə münasibətini bildirib. Sədr qeyd edib ki, Azərbaycanda bütün vətəndaşlar üçün ayrı-seçkiliyin aradan qaldırılması prinsipinin tətbiq edilməsinə yol açan müvafiq siyasət, qanunvericilik bazası və mexanizmlər mövcuddur.
AHİK nümayəndə heyətinin üzvləri konfrans çərçivəsində keçirilən müxtəlif komissiyaların iclaslarında iştirak ediblər.
ANAR
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
