Bu gün Bakıda Deportasiya Qurbanları Cəmiyyəti təşkilatçılığı ilə 31 Dekabr - Dünya Azərbaycanlılarının Həmrəyliyi Günü ilə bağlı tədbir keçirilib. Simsar.az xəbər verir ki, tədbirdə əslən Qərbi Azərbaycandan olan bir çox ziyalılar, görkəmli ictimai-siyasi xadimlər iştirak ediblər.
Tədbiri giriş sözü ilə açan Deportasiya Qurbanları Cəmiyyətinin sədri Köçəri Nağıbəyli bildirib ki, Dünya Azərbaycanlılarının Həmrəylik Günü 70-dən çox ölkədə yaşayan 50 milyondan artıq azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır. Dünya Azərbaycanlılarının Həmrəylik gününün qeyd edilməsi bütün dünya azərbaycanlıları tərəfindən artıq bir zərurətə və mənəvi ehtiyaca çevrilmişdir. Köçəri Nağıbəyli əlavə edib ki, xalqımızın bu gözəl günü erməni tapdağında olan Qərbi Azərbaycanda, Dağlıq Qarabağda və digər işğal olunmuş torpaqlarda qeyd etməsini arzulayır.
Daha sonra çıxış edən tibb elmlər doktoru, professor Eldar Abbasov, keçmiş təhsil naziri, professor Firudin Cəlilov, keçmiş baş prokuror, general Əli Ömərov, Xalq şairi Vahid Əziz, görkəmli oftalmoloq, professor Paşa Qəlbinur, araşdırmaçı alim Ramiz Əsgər və digərləri Dünya Azərbaycanlılarının Həmrəylik Gününü ən mühüm bayramlardan biri hesab etdiklərini deyib, bu günü əhəmiyyətindən danışıblar. Onlar qeyd ediblər ki, əsas hədəfimiz erməni daşnaqları tərəfindən deportasiyaya məruz qalmış soydaşlarımızın Qərbi Azərbaycandakı dədə-baba torpaqlarına qayıtması, işğal altındakı Qarabağ torpaqlarının azad edilməsi olmalıdır. Bu yolda xalqımız birlik və bərabərlik nümayiş etdirməlidir.
Daha sonra tədbir bədii hissə ilə davam edib. Vətənpərvərlik mahnıları səsləndirilib, şeirlər söylənilib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
