Azərbaycan prezidenti İlham Əliyev bu gün Serbiyanın Novi Sad şəhərində Üzeyir Hacıbəylinin büstünün açılışında iştirak edib.
Simsar.az-ın məlumatına görə, bununla da, Serbiyaya səfərini başa vuran Azərbaycan prezidenti Sloveniyaya rəsmi səfər edib. Sloveniyada Azərbaycan dövlət başçısının rəsmi qarşılanma mərasimi olub.
Səfər çərçivəsində bu gün Lyublyanada əvvəlcə prezidentlərin təkbətək görüşü keçiriləcək, sonra görüş nümayəndə heyətlərinin iştirakı ilə davam etdiriləcək. Daha sonra iki ölkə arasında “Mədəniyyət, təhsil və elm sahəsində əməkdaşlıq haqqında” və “İkiqat vergitutmadan azad olma, kapital və gəlir vergisindən yayınmanın qarşısını alma haqqında” sazişlər imzalanacaq.
Sənədləri hər iki ölkənin xarici işlər və iqtisadiyyat nazirləri imzalayacaqlar.
Sabah prezidentlər İlham Əliyev və Danilo Türk Azərbaycan-Sloveniya biznes-forumunun açılış mərasimində iştirak edəcəklər. Həmin gün dövlət başçısı Sovet İttifaqı Qəhrəmanı Mehdi Hüseynzadənin şərəfinə ucaldılmış abidənin önünə əklil qoyacaq, xatirə lövhəsinin açılış mərasimində iştirak edəcək.
Azərbaycan prezidentinin Sloveniyaya səfəri iyunun 10-da başa çatacaq.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
