ATƏT yaxın vaxtlarda iqtidarla ümxalifəti bir araya gətirəcək
İctimai Palatada təmsil olunan müxalifət partiyalarının rəhbərlərinin sabah Qərb dövlətlərinin Bakıdakı səfirləri, diplomatik korpuslarının nümayəndələri ilə növbəti görüşü olacaq. Simsar.az saytının məlumatına görə, ATƏT-in Bakı ofisinin rəhbəri Əli Bilgə Cankorel də həmin görüşə dəvət olunub. Bu barədə məlumatı B.Cankorel jurnalistlərlə söhbətində bildirib.
Cankorel deyib: “Hansısa beynəlxalq təşkilatın nümayəndəsi və ya hansısa ölkənin səfiri ilə Azərbaycan müxalifət nümayəndəsinin görüşməsinə kiminsə etiraz bildirməsi səhfdir”. Onun sözlərinə görə, Azərbaycan demokratik ölkədir və belə məsələlərdə dözümlülük nümayiş etdirilməlidir.
Cankorel İctimai Palata rəhbərliyi ilə görüşə dəvət olunduğunu və görüşdə iştirak etməyə çalışacağını bildirib: “Əgər vaxt məhdudluğu olsa məni bu görüşdə müavinim təmsil edəcək”.
Ə. Cankorel onu da qeyd edib ki, iyunda ATƏT-in Bakı ofisinin təşəbbüsü və təşkilatçılığı ilə iqtidar və müxalifət nümayəndələrinin görüşü olacaq.
“Bizim hakimiyyət-müxalifət dialoqunu təşkil etməklə bağlı görüşlərimiz hər zaman davam edir. İqtidar və müxalifətlə birgə konfrans keçirilməsi hazırda gündəmimizdə olan məsələdir. Önümüzdəki həftələrdə bunun baş tutacağını təxmin edirəm”.
Qeyd edək ki, 20-yə yaxın Qərb ölkələrinin diplomatlarının müxalifət liderlərilə ilk görüşü 2011-ci ilin aprelin 8-də olub. Həmin görüşdə ölkədəki ictimai-siyasi məsələlər, sərbəst toplaşmaq azadlığı və mitiqlərdəki həbslər müzakirə olunub.
RAMİL
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
