Andris Berzinış Latviya Seymi (parlamenti) tərəfindən ölkənin yeni prezidenti seçilib.
Simsar.az-ın “RİA Novosti”yə istinadən xəbərinə görə, prezident postu uğrunda hazırkı dövlət başçısı Valdis Zatlers və Latviya Ticarət-Sənaye Palatasının sabiq rəhbəri Andris Berzinış mübarizə aparıb.
Prezidenti parlamentin seçdiyi Latviyada ilk turda qələbə qazanmaq üçün 100 deputatdan ən azı 51-nin səsi tələb olunur. A.Berzinış 53 deputatın səsini qazanmağa müvəffəq olub.
Qeyd edək ki, Latviyanın fəaliyyətdə olan prezidenti V.Zatlers mayın 28-də Seymin buraxılması prosedurunun başlandığını elan edib.