ABŞ dövlət katibinin Avrasiyada energetika məsələləri üzrə xüsusi nümayəndəsi Riçard Morninqstar Azərbaycana səfər edəcək.
ABŞ-ın Azərbaycandakı səfirliyinin mətbuat katibi Kit Binin APA-ya verdiyi məlumata görə, Riçard Morninqstar 7-10 iyun tarixində Bakıda keçiriləcək Xəzər neft-qaz sərgisinə qatılacaq ABŞ nümayəndə heyətinə rəhbərlik edəcək.
Səfər çərçivəsində Riçard Morninqstarın keçirəcəyi rəsmi görüşlərdə ABŞ və Azərbaycanın energetika sahəsində əməkdaşlığına dair məsələləri müzakirə etməsi gözlənilir.