Məqsəd tarixi şəhərlərdə mədəni irsin bərpasıdır
Avropa Şurasının Mədəniyyət, Mədəni və Təbii İrs Direktorluğunun ekspertləri Azərbaycanın mədəni irs sahəsində çalışan mütəxəssislərinə təlim keçəçək. İyunun 13-14-də Zaqatala rayonunda keçiriləcək təlimdə Bərdə, Qazax, Göygöl, Quba, Qax, Lənkəran, Ordubad, Şəki, Şəmkir və Zaqatala rayonlarından mütəxəssislər qatılacaq.
Təlimdə yerli icra hakimiyyəti orqanlarının humanitar məsələlər üzrə müavinlərinin, baş memarların, rayon mədəniyyət və turizm şöbə müdirlərinin iştirak edəcəyi də planlaşdırılır.
Mədəniyyət və Turizm Nazirliyinin verdiyi məlumata görə, tədbir “Tarixi şəhərlərdə mədəni irsin bərpası” layihəsinin ilkin mərhələsinin icra edilməsi məqsədi daşıyır. Layihə Avropa Şurasının “Kiyev Təşəbbüsü Regional Proqramı” çərçivəsində həyata keçirilir.
Layihə kiçik tarixi şəhərlərin, ordakı abidələrin yenidənqurulması, təkrar işlənməsi və davamlı sosial, iqtisadi inkişafı üçün strateji inkişaf planının icrasına kömək etmək məqsədi daşıyır.
Arifə
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
