"Yaxın Şərq dövlətləri İrana qarşı yönəlmiş koalisiyada birləşməlidir." TASS xəbər verir ki, bu təklifi İsrailin müdafiə naziri Aviqdor Liberman Almaniyanın "Die Welt" qəzetinə müsahibəsində edib.
Onun sözlərinə görə, Yaxın Şərqdə hazırda ən böyük təhlükənin İrandan gəlməsini dərk ediblər.
"Müsəlman, yəhudi və ya xristian olmasından asılı olmayaraq, Yaxın Şərqdə bütün mülayim qüvvələrin iştirakı ilə terrorizmə qarşı formal ittifaq, koalisiya yaratmağın zamanıdır", - nazir bildirib.
A.Liberman belə "ittifaq"ın ilk növbədə üzvlərini qorumalı olduğunu vurğulayıb: "Alyans İrana qarşı sərt sanksiyalar tətbiq etməlidir."
Müdafiə nazirinin fikrincə, mülayim ərəb dövlətlərinin İsrailə ehtiyacı, Təl-Əvivin ərəb dövlətlərinə ehtiyacından daha çoxdur.(Report)