Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib. APA-nın məlumatına görə, hakim Əfqan Hacıyevin sədrliyi ilə keçirilən prosesdə hakim bildirib ki, şahidlərin haqqında məcburi gətirilmə barədə qərar olsa da, onlar məhkəməyə gəlməyiblər. Buna görə iclas fevralın 8-nə təxirə salınıb. V. Zeynalov isə deyib ki, Əli Abbasov gəlib ifadə verməyənə kimi o danışmayacaq.