"Necə gözəl işıqlı görürəm....”-bu sözləri xalq artisi Flora Kərimova elə emosiya, həyəcanla deyirdi ki, sanki bir uşaq kimi sevinirdi. Biz də halımızdan razı idik, axı bir insanın ,bir tanınmışın əməliyyatdan sonra dünya işığını yenidən görməklə necə məmnun olduğunun şahidi olurduq. Gözlərini açar-açmaz siz də xəstələrdənsiz deyə bizə sual verir? Biz isə: “jurnalistik” -deyirik. “Hə onda bunu xüsusi qeyd edin: “Əməliyyat təmənnasız oldu...”
Daha sonra isə üzünü doktoru professor Paşa Qəlbinura tutaraq: “Bu dəfə təmənnasız etdiz, amma gələn dəfə o biri gözümün əməliyyatı belə olmayacaq”.
Paşa Qəlbinur: “ Olmadı ki, Flora xanım” deyərək sözünə davam edir: “Dünən gözəl, sevimli müğənnimiz Flora Kərimovanın sol gözünün üzərində mən və oğlum Tural birlikdə əməliyyat etmişik. 3 xəstəliyin kombinasiyasıdır. Onun gözünə işıq qayıdıb. Xoşdur ki, biz insanları sevindirə bilirik”
Flora Kərimova söhbətə qoşulur: “Əməliyyatdan çox razı qaldım. Bilirdim ki, kimin yanına gəlirəm. Həkimlər çoxdur, amma inanılan, gülərüz, bel bağlaya biləcəyimiz həkim azdır. Mən professora güvəndiyim üçün burdayam. Onun çox mahnılarını oxudum".
Söhbətin bu anında müğənni cərahiyyə zamanı baş verən bir məqamı xüsusu qeyd edir: “Dünən əməliyyatda qəflətən öz səsimi eşitdim və qışqırıb hirslənirdim ki, kəsin onu. Profesorun oğlu da özü qədər səriştəlidir. O, bildi ki, mənim damarımı necə tutmaq olar. Bir də gördüm ki, atasının səsiylə dedi ki, “Dünya” mahnısını youtube -də tapın. O mahnının çox gözəl sözləri var, elə professorumuza məxsusdur. O saat qışqırığım kəsildi. Çünki həyat özü gül açmışdı, səsimdə yox, o musiqinin sözlərində. Musiqiyə can verən sözlərdir.Mən professoru həm də bir insan kimi tanıyıram, o hamını, kasıbı, varlını xoş gülərüz yola salır .Professorun həm də yolunu davam etdirən tərbiyəli oğlu və qızı var".
Biz də Simsar.az komandası olaraq xalq artisti, sevimli Flora Kərimovaya sağlam can arzulayır, professor Paşa Qəlbinur və oğlu Tural Qəlbinura bu uğurlu əməliyyat üçün təşəkkür edirik.
Nihadə Eyyubova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
