Sosial Müdafiə Fondununun büdcəsi artır
Azərbaycan Milli Məclisinin Sosial siyasət Komitəsinin bu gün keçirilən iclasında «Azərbaycan Respublikası Dövlət Sosial Müdafiə Fondunun (DSMF) 2011-ci il büdcəsi haqqında» qanuna dəyişikliklər layihəsi müzakirə olunub.
Simsar.az-ın məlumatına görə, Komitənin sədri Hadı Rəcəbli bildirib ki, layihəyə əsasən, Dövlət Sosial Müdafiə Fondununun 2011-ci il büdcəsinə 195 mln. manat həcmində vəsait əlavə olunacaq.
Qeyd edək ki, bu yaxınlarda «Əmək pensiyaları haqqında» qanuna dəyişiklik olunub. Bu dəyişikliklə 2006-cı il 1 yanvar tarixinədək və 2010-cu il 1 yanvaradək pensiyaya çıxanların pensiyalarının yeni qaydalarla hesablanmasına başlanacaq. Bu dəyişikliyin həyata keçirilməsi üçün DSMF-yə 1 iyul tarixindən etibarən əlavə olaraq 195 mln. manat vəsait lazımdır.
Dəyişiklik layihəsi parlamentin plenar iclasına tövsiyə olunub.