Səmadakı kül ABŞ prezidentini yolunu dəyişməyə vadar edib
Simsar.az "The Guardian"a istinadən bildirir ki, İslandiyadakı Qrimsvotn vulkanının püskürməsi ABŞ prezidenti Barak Obamanın Avropa turnesinin qrafikini dəyişib.
O, səmadakı kül buludu ucbatından Londonun şimalındakı Stensted hava limanına vaxtından yarım sutka tez enib.
Birləşmiş Ştatların prezidentinin avialayneri aeroportda yerə enəndən sonra onu Böyük Britaniya kraliçası II Yelizavetanın adından vikont Brukeboro qarşılayıb.
Bu səhər isə Obamanı ABŞ-ın Böyük Britaniyadakı səfirinin Uinfild-Hausdakı iqamətgahında şahzadə Çarlz və York Hersoginyası qarşılayacaqlar. ABŞ prezidenti bu gün Vestminstr abbatlığına baş çəkəcək, sonra isə Britaniya kraliçası qonağın şərəfinə Bukinhem sarayında ziyafət verəcək.
Dünən isə ABŞ prezidenti Barak Obama İrlandiyada olub.
Di gəl, ABŞ prezidentinin zirehli "Cadillac"ı ölkənin Dublindəki səfirliyinin həyətindən çıxarkən yerdəki çərçivəyə ilişib. Bu zaman maşının təkər oxu sınıb və mexaniklər maşını dərhal təmir etməyə çalışsalar da, bir nəticə hasil olmayıb.
6 metr uzunluqdakı maşının ağırlığı 8 ton, qapılarındakı zirehin qalınlığı 4 sm, qiyməti isə 1,1 milyon dollardır.
Dublində Obama İrlandiya prezidenti və baş naziri ilə görüşəndən sonra ölkənin mərkəzindəki Ofali qraflığındakı Moniqall kəndinə baş çəkib. Onun ulu babası, çəkməçinin oğlu Falmut Kirni bu kənddə doğulmuşdu. Falmunt 1850-ci ildə ABŞ-a mühacirət etmişdi. Obama kənddə olub, əcdadlarının yaşadığı evə baş çəkib, sonra isə yerli pabda məşhur "Ginnes" pivəsi içib.
Dublində xalqla görüş zamanı İrlandiyanın baş naziri Enda Kenni deyib: "Bu gün ABŞ-ın 44-cü prezidenti evinə qayıdıb". Obamanın özü isə söyləyib: "Mən Barak Obamayam, moniqallı Obamalardan!"
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
