Əvvəlki qanun köhnəlib
Milli Məclisin payız sessiyasında "Siyasi partiyalar haqqında" yeni qanun layihəsi müzakirəyə çıxarıla bilər. Simsar.az-ın məlumatına görə, bu barədə cümə günü jurnalistlərə açıqlamasında Milli Məclisin Hüquq siyasəti və dövlət quruculuğu komitəsinin sədri Əli Hüseynli bildirib.
Millət vəkili deyib ki, siyasi partiyalar tərəfindən mövcud "Siyasi partiyalar haqqında" qanuna partiyaların maliyyələşdirilməsinə dair əlavə və dəyişikliklər edilməsi, yaxud yeni qanunun qəbulu ilə bağlı təkliflər irəli sürülüb.
Hazırkı "Siyasi partiyalar haqqında" qanunun Konstitusiyadan öncə qəbul edildiyini deyən Hüseynli bildirib ki, qanuna əlavə və dəyişikliklərin edilməsi zərurəti meydana gəlib.
Deputatın sözlərinə görə, yeni qanun layihəsinin hazırlanması onun rəhbərlik etdiyi komitəyə tapşırılıb və artıq bu istiqamətdə işlərə başlanılıb.
ATƏT-in Demokratik Təsisatlar və İnsan Hüquqları Bürosunun Varşavada siyasi plüralizm mövzusunda keçirilən seminarında iştirak etdiyini xatırladan Hüseynli qeyd edib ki, tədbirdə iştirakın əsas məqsədi siyasi partiyaların maliyyələşdirilməsi ilə bağlı beynəlxalq təcrübənin öyrənilməsi olub.
Onun sözlərinə görə, seminarda siyasi partiyaların fəaliyyəti ilə bağlı qanunvericilik, bu strukturlarda qadınların və kişilərin bərabər hüquqlu iştirakı, sosial şəbəkələrdən istifadə və digər məsələlər ətrafında fikir mübadiləsi aparılıb.
Səfər çərçivəsində Polşanın Prezident Administrasiyasında, Parlamentində, Mərkəzi Seçki Komissiyasında bir sıra görüşlər keçirilib.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
