“Azərbaycan Avropa institutları ilə əməkdaşlığa başlayandan müxtəlif təzyiqlərə məruz qalıb”
Bunu Bakıda keçirilən Vətəndaş Cəmiyyəti Forumunda millət vəkili, QHT-lərə Dövlət Dəstəyi Şurasının sədri Azay Quliyev deyib.
Simsar.az-ın məlumatına görə, Azay Quliyev bildirib ki, çətinliklərə və təzyiqlərə baxmayaraq Azərbaycan Avropa təsisatları ilə əməkdaşlıqda maraqlıdır: “Azərbaycan hazırda “Avronest”in üzvüdür. Azərbaycan Avropa ilə həm parlament, həm vətəndaş cəmiyyəti, həm də digər sahələrdə əməkdaşlıq edir”.
Azərbaycanın Avropa İttifaqı ilə Şərq Tərəfdaşlığı proqramında da əməkdaşlıq etdiyini vurğulayan millət vəkili əlaqələrin genişlənməsində qarşılıqlı marağın mühüm olduğunu bildirib. Azay Quliyev bu əməkdaşlığa kölgə salan məqamların mövcudluğunu da forum iştirakçılarının diqqətinə çatdırıb: “Təəssüf ki, Avropa Parlamentində bəzən Azərbaycana qərəzli münasibətin şahidi oluruq. Azərbaycanda vəziyyəti düzgün əks etdirməyən son qətnaməni çıxarılması da bunu göstərir ki, əlaqələrimizi inkişafına qarşı olan qüvvələr var”.
Avropa Parlamentinin son qətnaməsinin 30-35 deputatın səyi ilə ərsəyə gəldiyini deyən natiq bunun ümumi işə xələl gətirməyəcəyini bildirib.
Forumda çıxış edən Avropa İttifaqının Azərbaycan nümayəndəliyinin proqram rəhbəri Fuad Hüseynov deyib ki, 2007-ci ildən bu günə qədər Avropa İttifaqı Azərbaycanda 20-dən artıq layihəni maliyyələşdirib: “Reallaşdırılan bu layihələrə 5 milyon avrodan artıq vəsait ayrılıb. Bu layihələr əsasən sosial sahələrin və vətəndaş cəmiyyətinin inkişafına yönəlib”.
Fuad Hüseynov bundan sonrada analoji layihələrin davam etdiriləcəyini bildirib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
