“Parodiya özü bir sənətdi. Hər kəs parodiyanı nə bacara bilmir, nə də ki yarada... Ancaq bəzən məşhurlar parodiya olunana kimi yaman əl-ayağa düşürlər. Hətta onları parodiya edən şəxslərə hədə-qorxu, hərbə-zorba gəlməkdən belə çəkinmirlər”. Bunu Simsar.az-a açıqlamasında müğənni Təranə Qumral bikdirib. O, parodiyanı çox gözəl anladığını və bunu müsbət qarşıladığını açıqlayıb: “Parodiya olunmaq ayıb deyil. Vay o adamların halına ki, bütün həyatlarını kimisə parodiya edərək yaşayırlar. Parodiyanı bütün dünya qəbul edir, sevə-sevə, gülə-gülə baxır. Axı burada mənfi nə var ki? Məni və Musanı Rafael Coşqun parodiya edib, çox da gözəl alınmışdı. Mən belə şeylərə çox normal baxıram”.
T. Qumral həmkarı Xatunun bəzi şou-biznes nümayəndələrini parodiya etməsinə də münasibət bildirib: “Xatunu mən bu yaxınlarda kəşf etdim. Çox gözəl ifaçı olmaqla yanaşı çox da gözəl parodiya edir. Bacarır, edir. Burada pis heç nə yoxdur. Xatun məni də, parodiya etsə çox gözəl olar. Nə olsun o aktrisa deyil, ifaçıdır. Fakt bacarır və çox gözəl də parodiya edir. Buna görə, onu qınayanları heç anlamıram”.
Ümidə