Ebru Gündeş Türkiyənin “O səs Türkiyə” yarışmasında komandasında olan və qalib gələn Elnur Hüseynovu təbrik edib. Simsar.az xəbər verir ki, E. Gündeş instagram səhifəsində “Eurovision 2015”in final mərhələsinə vəsiqə qazanan Elnur haqqında xoş fikirlərini bildirib: “Alqışlar Elnur Hüseynova. Böyük səsdir. İnşallah davamı da gözəl olacaq. Mikrofonun haqqını verən bir səsdir”.
Xatırladaq ki, ötən gün Avstriyanın paytaxtı Vyanada keçirilən 60-cı “Eurovision” Mahnı Müsabiqəsinin ikinci yarımfinalı keçirilib. 17 ölkə təmsilçisi finala vəsiqə qazanmaq üçün mübarizə aparıb. Azərbaycan finala vəsiqə qazanan 10 ölkə arasında yer alıb. E. Hüseynov İsveç bəstəkarları Sandra Byurman, Nikolas Rebşer və Lina Hansonun “Hour of the Wolf” mahnısını ifa edib.
Ümidə